Flet Arsim Abazi pas fitores ndaj Austrisë: Jemi afër kualifikimit, por duhet të qëndrojmë me këmbë në tokë

22:20 | 6 Tetor 2021
KRG

Kosova U17 ka arritur fitore ndaj Austrisë U17 me rezultat 1-0 në kuadër të kualifikimeve për Kampionatin Evropian.

Goli i vetëm u shënua në pjesë e dytë nga Elton Krasniqi pas një asistimi të David Marku.

Pas ndeshjes përzgjedhësi Arsim Abazi u shpreh i lumtur për nismën e mbarë të këtyre kualifikimeve, por theksoi se ekipi duhet të qëndrojmë me këmbë në tokë.

“Ishte një lojë shumë e fortë. Austria është ekip shumë cilësor, por ne luajtëm shumë mirë taktikisht dhe arritëm t’i gëzohemi kësaj fitoreje të madhe”.

“Tani jemi shumë afër kualifikimit, por duhet të qëndrojmë me këmbë në tokë dhe t’i luajmë me disiplinë edhe dy ndeshjet e radhës”.

“I përgëzoj djemtë për këtë fitore dhe besoj se edhe në vazhdim do të luajnë me përkushtim të tillë dhe do t’i dëshmojnë vlerat e tyre”, ka thënë Abazi.